Kanuni vaš planiripe thaj lačharipe
Ani Srbia kotar 1. marti labarinelape nevo Kanuni vaš planiripe thaj lačharipe savea reselape kedutni procedura devipe lačharimasko mukhlipasko lil vaš majbut 28 dive.
Reso kanunesko sito te lokarol leipe mukhlipasko lil thaj ini lačharipasko, barjaripe avrijalutne investicie, sar ini saslaripe kherutni lačharimaski industria.
Angluno drom ani nevi praksa Kanuni kotar planiripe thaj lačharipe siole palapeste 28 normativja thaj aver dokumentja save lelile ano kanunesko roki.
Kedutni procedura, jase jekh šalteri vaš leipe lačharimasko mukhlipasko lil ano roki kotar 28 dive, semninela kaj sa dokumentja save investitori poangle musaj te kedol ano institucie thaj publikake firme, pedo oficielno bukjaripe kedela lokalno korkorodirekcia.
Kanuni ka labarinolpe ano duj faze so talohalovela kaj kotar 1. marti dži agor akale beršesko pharuvipe gendjenge, ano rami procedura devipe lačharimasko mukhlipasko lil, šaj te ovol ini ano lileski forma e rekomondacia te labarinolpe elektronikani forma.
Ani dujto faza, kotar 1. januari 2016. berš, sa forme komunikaciake ka oven numa elektronikane.
Kanuni kotar pharuvipe thaj džipherdipe kanunesko vaš planiripe thaj lačharipe jekh sito kotar klidutne reformikane kanunja savo sito angluno čhinavdipe vaš pošukaripe biznisesko ambijenti thaj saslaripe lačharimaski industria.
KANUNI KOTAR PLANIRIPTE THAJ LAČHARIPE
KANUNI KOTAR PLANIRIPE THAJ LAČHARIPE – PREZENTACIA